RSS

ጄነራል ከማል ገልቹ “አልታሰርኩም” ይላሉ – What’s Ethiopian Review up to?

07 Feb

ኢትዮጵያን ሪቪው በመባል የሚታወቀው ድረ-ገጽ ኢዲተር አቶ ኤልያስ ክፍሌ ሰሞኑን አንድ ዜና ይዘው ነበር… “የኦሮሞ ነጻነት ግምባር (ኦነግ) መሪ ጀነራል ከማል ገልቹ ኤርትራ ውስጥ በእስር ላይ ናቸው” የሚል፣ ይሁንና ጄነራል ከማል ገልቹ “እኔ አልታሰርኩም ብለዋል”።

የኢትዮጵያን ሪቪው ድረ-ገጽ አዘጋጅ አቶ ኤልያስ ክፍሌ ቀደም ሲል መነሻውን ከኤርትራ አድርጎ እየተንቀሳቀሰ ያለው የኢትዮጵያ ህዝብ አርበኞች ግንባር አመራር አባል ሆነው የነበረ ሲሆን ከግንባሩ ጋር በተፈጠረ አለመግባባት ግንባሩ አቶ ኤልያስንና አንድ ሌላ የቅርብ ጓደኛቸውን ከአባልነት ማስወገዱ ይታወቃል።

አቶ ኤልያስ ክፍሌ የኢትዮጵያ ህዝብ አርበኞች ግንባር አባል በነበሩበት ወቅት ከኤርትራው ፕሬዚዳንት ኢሳያስ አፈወርቂ ጋር ረጂም ቃለ-ምልልስ አድርገው ነበር። ይህን ባለ አምስት ክፍል የቪድዮ ቃለ-ምልልስ በወቅቱ የተለያዩ ድረ-ገጾች ይዘውት ወጥተዋል።

በዛኑ ሰሞን አካባቢ አቶ ኤልያስ ክፍሌ እና ድረ-ገጻቸው ኢትዮጵያን ሪቪው የኤርትራውን ፕሬዚዳንት ኢሳያስ አፈወርቂን “የአመቱ ታላቅ ሰው” ብለው መሾማቸውም ይታወሳል። ይህ እንኳ በርካታ ኢትዮጵያውያንን ያስደመመ ነበር።

አቶ ኤልያስ ክፍሌ ከኢትዮጵያ ህዝብ አርበኞች ግንባር አመራር አባልነት ከተወገዱ በሗላ መንደርደሪያቸውን ከወደ ኤርትራ ባደረጉ ግምባሮች ላይ የሚያወጧቸው ዜናዎች እና ዘገባዎች አንዳንዶቹ መሰረት የሌላቸው ሆነው ተገኝተዋል። ለምሳሌ በአንድ ወቅት አቶ ኤልያስ “የኢትዮጵያ ህዝብ አርበኞች ግንባር 21 አባላቱን ረሸነ” የሚል ዜና ይዘው ወጥተው ነበር። ግንባሩ ዜናውን ሀሰት ሲል ያጣጣለው ሲሆን ተገደሉ ከተባሉት አርበኞች መካከል አንዳንዶቹ በሕይወት መኖራቸውን በየሚድያው እየወጡ ተናግረዋል።

ሰሞኑን ደግሞ አቶ ኤልያስ “የኦነጉ መሪ ጄነራል ከማል ገልቹ ኤርትራ ውስጥ በእስር ላይ ናቸው” ብለው ነበር። ጄነራል ከማል ገልቹ ስለጉዳዩ ሲጠየቁ ፈገግ ብለው፣ “እኔም ዜናውን ሰምቻለው” ነበር ያሉት።

የኢሳት ራድዮ ጋዜጠኛ መሳይ መኮንን ከጄነራል ከማል ገልቹ ጋር ያደረገውን ቃለ-ምልልስ ያዳምጡ።

 

 

 
Leave a comment

Posted by on February 7, 2013 in AMHARIC, NEWS, VIDEO

 

Tags: , , , , ,

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: