RSS

ህወሓት መሰንጠቅ የሚያመለክት ፍንጭ እየታየ ነው

31 Jan

“ክፍፍሉ የተጀመረው ከመለስ ሞት ማግስት ነው፡፡ አቶ ስብሃት ነጋ ዋነኛው ጠንሳሽ ናቸው” የፓርቲው ምንጮች

“ህውሓት እኔጋ ነው ያለው፣ . . .አደረጃጀቱም እኔ ጋራ ነው፡፡ በምድር ላይ ሊሆን ከማይችል ነገር አንዱ የህወሓት መሰንጠቅ ነው” አቶ ስብሃት ነጋ

Sebhat-Nega

“የአቶ መለስ ዜናዊን ሞት ተከትሎ በህወሓት ውስጥ የተጀመረው የስልጣን ትግል አሁንም አልተቋጨም ፓርቲው ወደ መሰንጠቅ እያመራ ነው” ሲሉ ለህወሓት ቅርበት ያላቸው የፍኖተ ነፃነት ምንጮች ገለፁ፡፡ እንደ ምንጮቻችን ገለፃ በአቶ ስብሃት ነጋ የሚዘወር ቡድንና የወቅቱ የትግራይ ክልል ርእሰ መስተዳድር እና የህወሓት ሊቀመንበር በሆኑት አቶ አባይ ወልዱ በሚመራው ቡድኖች መካከል ከፓርቲው የወጡ የቀድሞ የህወሓት አባላትን ዳግም በማስገባት ጉዳይ ላይ የተካረረ አለመግባባት ተፈጥሯል፡፡

ፓርቲው በመጪው የካቲት ወር ከሚያደርገው ስብሰባ በፊትም ሁለቱም ቡድኖች ድጋፍ የማሰባሰብ ስራዎችን እየሰሩ ሲሆን በተለይም ፓርቲውን የለቀቁ የቀድሞ የህወሓት አባላትን ለመመለስ የሚደረገውን ጥረት የሚመራው ቡድን በትግራይ መካከለኛ ካድሬውንና በአነስተኛና ጥቃቅን የተሰማሩ አካላትን ማወያየቱ ታውቋል፡፡

በአንፃሩ ህወሓትን እኛው ይዘን እንቀጥለው የሚለው ቡድን አቶ ስብሃት ነጋን ጨምሮ የፓርቲውን አንጋፋ አባላት እንዲታገዱ የሚያግብባ መግለጫ ለተወሰኑ ተፅእኖ ፈጣሪ አባላት እያሰራጨ መሆኑ ታውቋል፡፡

ፍኖተ ነፃነት በጉዳዩ ላይ ያነጋገረቻቸው የህወሓቱ ቁልፍ ሰው አቶ ስብሃት ነጋ “በምድር ላይ ሊሆን ከማይችል ነገር አንዱ የህወሓት መሰንጠቅ ነው” በማለት ህወሓት ከተመሰረተበት የመጀመሪያ ቀን አንስቶ ተሰንጥቆ አያውቅም ብለዋል፡፡ የ1993ቱን መሰንጠቅ ምን ሊሉት ነው ተቡለው በፍኖተ ነፃነት የተጠየቁት አቶ ስብሃት “አልተሰነጠቀም በየጊዜው እንደምናደርገው አቅም የሌላቸውን አባረናል” የሚል ምላሽ ሰጥተዋል፡፡ አያይዘውም ተበተነ ስለተባለው መግለጫ የሚያውቁት ነገር እንደሌለና የህወሓት መሰንጠቅ የሚፈልጉ ሰዎች የምኞት ወሬ ነው ብለዋል፡፡ የህወሓትን መሰንጠቅ የሚነኙትን አካላት ግን አልጠቀሱም፡፡ ከፓርቲው ርቀዋል ወይ የተባሉት አቶ ስብሃት ነጋ “ህውሓት እኔጋ ነው ያለው፣ . . .አደረጃጀቱም እኔ ጋራ ነው ያለው እንዴት ከህውሓት እርቃለሁ” የሚል ምላሽ ሰጥተዋል፡፡  እኔ ህውሓት ነኝ በህውሀት ላይም ጥያቄ የለኝም ያሉት ስብሃት ነጋ በአሁኑ ሰአት ህውሓት ውስጥ የተነሳ ጥያቄ የለም የሚነሳም አይመስለኝም የሚል ምላሽ ሰጥተዋል፡፡

ስለጉዳዩ ለማጣራት በአቶ ስብሃት ነጋ ቡድን ወደ ህወሓት እንዲመለሱ ጥረት እየተደረገላቸው ነው ከሚባሉት መካከል ዋናኛው መሆናቸው እየተነገረላቸው የሚገኙት ጀነራል ፃድቃን ገብረ ትንሳይ ጋር ብንደውልም ስብሰባ ላይ መሆናቸውን ጠቅሰው ሌላ ቀጠሮ ሰጥተውናል፡፡

የፍኖተ ነፃነት ጋዜጠኛ የሆነው ዳዊት ሰለሞን ከአቶ ስብሃት ነጋ ጋር በስልክ ያደረገውን ቆይታ በድረገችን ላይ ያገኙታል፡፡

 

 
Leave a comment

Posted by on January 31, 2013 in AMHARIC, NEWS

 

Tags: , , , , ,

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: