RSS

በደቡብ ክልል ቤንች ማጂ ዞን ከጉራ ፈርዳ የተፈናቀሉ አማራዎች መታሠራቸውና ገሚሶቹም ወደአምቦ መወሰዳቸው ተገለጸ

10 Dec
VOA – በደቡብ ብሔር ብሔረሰቦችና ሕዝቦች ክልል፤ በቤንች ማጂ ዞን ጉራ ፈርዳ ወረዳ የሚኖሩ፤ ከዓመታት በፊት ከአማራ ክልል የሄዱ ሠፋሪ አርሦ አደሮች በአካባቢው ባለሥልጣናት ተገድደው ቀያቸውን ልንዲለቅቁ እየተደረጉ መሆኑን መዘገባችን ይታወሳል።ከረዥም ጊዜ በፊት በአካባቢው እንዲሠፍሩ የተደረጉና አሁንም ድረስ በዚያው ነዋሪ የሆኑ አርሦ አደሮች የእርሻ መሬታችንን እንዳናርስና በማሣ ላይ እርሻ ያለበትን ጨምሮ በጨረታና በሃራጅ እየተሸጠባቸው መሆኑን ተናግረዋል፡፡

ይህንን የአርሦ አደሮቹን ክስ እና ደርሶብናል ወይም እየደረሰብን ነው የሚሏቸውን በደሎች እና እንግልቶች ከሌሎች ወገኖችንም ለማጣራትና በችግሩ ውስጥ አሉ የሚባሉ ወገኖች የሚሉትን ለማዳመጥ ብዙ ጥረቶችን እያደረግን እንገኛለን፡፡

ከእነዚህ መካከል የጉራ ፈርዳ ወረዳ አስተዳዳሪ፣ አቶ መሬሣ ጎዪ እና የወረዳው ፖሊስ አዛዥ አቶ ምሥክር ይገኙበታል፡፡ እነርሱን ለማግኘት በተከታታይና ለብዙ ጊዜ ሙከራ ቢደረግም ማግኘት አልተቻለም፡፡

ጉዳዩን በቅርብ እየተከታተልኩ ነው የሚለው የመላ ኢትዮጵያ አንድነት ድርጅት – መኢአድ ተቀዳሚ ምክትል ሊቀመንበር አቶ ወንድማገኝ ደነቀ “የተፈናቀሉ ሰዎችን ስም ዝርዝር ሳይቀር ይዘናል፤ ሰዎቻችን እቦታው ድረስ ሄደው ሁኔታውን አይተዋል” ብለዋል፡፡

በመኪና እየተጫኑ ተወስደዋል ካሏቸው 150 የሚሆኑት ወደ ምዕራብ ሸዋ፣ አምቦ ከተማ መወሰዳቸውን፣ ሞባይል ስልኮቻቸውን መነጠቃቸውንና ያሉበትን ሁኔታ እንደማያውቁ ገልፀዋል፡፡ ሌሎቹ 200 ሰዎች ደግሞ በወረዳው ከተማ ሚዛን ተፈሪ እሥር ቤት ውስጥ እንደሚገኙ አመልክተዋል፡፡

በሚፈናቀሉት ሰዎች ላይ ድብደባና ሌሎችም ጉዳቶች እንደደረሱባቸው፣ ጥይት እንደሚተኮስባቸው አቶ ወንድማገኝ አመልክተዋል፡፡

 
 
 
 
Leave a comment

Posted by on December 10, 2012 in AMHARIC, NEWS

 

Tags: , , ,

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: