RSS

የበአሉ ግርማ ጆሮጠቢ

15 Oct

ከተስፋዬ ገብረአብ

በኛ ዘመን የብእር ሰው ሆኖ መፈጠር መረገም ሆኖ ይሰማኛል። ከቡቃያው የሚነጋገር፣ በሁዳዱ ላይ ሽምጥ ፈረስ የሚጋልብ፣ ውሎው ከዋልካው፣ ማምሻው ከመልካው የሆነ ገበሬA renowned Ethiopian novelist Bealu Girmaእንዴት እድለኛ ነው? የኛ ዘመን ብእረኛ ህይወቱ በሰላዮች የተከበበ ነው። ተፈጥሮው ነውና አለመፃፍ አይችልም። መፃፍ ደግሞ አደጋ ነው። በአሉ ግርማ እንዲህ ባለ ችግር ውስጥ አልፎ፣ በከንቱ ያለፈ ደራሲ ነበር። ደርግ ብዙ ሰላዮች መድቦበት ነበር።

በአሉ ግርማ ምንም እንኳ ከደርግ ሰዎች ጋር በቅርብ ይሰራ የነበረ ሰው ቢሆንም ህሊናው ግን ነፃ ነበር። የደርግ የፀጥታው መስሪያ ቤት የበአሉን ነፃ መንፈስ በማወቁ፣ ነፃ ለቆት አያውቅም። በሰላዮቻቸው ከበውት ኖረዋል። በአሉ ግርማን እንዲሰልሉ ከተመደቡት አንዱ አይነስውር ለማኝ ሆኖ ነበር የሚተውነው። በአሉ ግርማ መኪናውን ውቤ በረሃ አቁሞ፣ እዚያው መኪና ውስጥ ሆኖ ሲቀመቅም፣ አይነስውር መሳዩ ለማኝ ወደ በአሉ መኪና ጠጋ ብሎ ይለምናል፣

“ስለ መድሃኒያለም፣ በቀን ጨለመብኝ። ሌትና ቀኑ ተደባለቀብኝ። በኔ የደረሰ በዘርማንዘራችሁ አይድረስባችሁ። ስለመድሃኒያለም ስትሉ እርዱኝ እባካችሁ።”

ይህ ለማኝ ሰላይ መሆኑን ግን በአሉ ግርማ ገና ድሮ አውቆ ነበር። ሆኖም ያላወቀ መስሎ በመጣ ቁጥር አስር ሳንቲም ይሰጠዋል። ሰላዩም አይኖቹን እንደ ፀደይ የቢራቢሮ ክንፍ ብልጭ ድርግም እያደረገ አስር ሳንቲሟን ተቀብሎ፣ በአሉ ግርማ ከማን ጋር እንዳመሸ ተመልክቶ ሲያበቃ፣ በነጋታው በማያዩት አይኖቹ ያየውን ለተስፋዬ ወልደስላሴ ቢሮ ሪፖርት ያደርጋል። ይህ ድብብቆሽም ለረጅም ጊዜ ቀጠለ።

ከእለታት አንድ ቀን በአሉ ግርማ እና ስብሃት ገብረእግዚአብሄር የበአሉ መኪና ውስጥ ቁጭ ብለው እያወጉና እየቀመቀሙ ነበር። ስብሃት እንዳጫወተኝ በመካከሉ የበአሉ ደምበኛ የሆነው አይነስውር ለማኝ መጣ፣

“ስለ ጊዮርጊስ…በቀን የጨለመብኝ…”

አስርሳንቲሙን ከተቀበለ በሁዋላ የሚያየውን አይቶ ተመልሶ ሄደ። በዚህ ጊዜ በአሉ ግርማ ለስብሃት እንዲህ አለው፣

“ለማኝ አይደለም። ሰላይ ነው…”

“እንዴት አወቅህ?”

በአሉ ግርማ እንዴት እንዳወቀ ለስብሃት አጫወተው። በዚህ ጊዜ ስብሃት በጣም ተበሳጨና እንዲህ አለው፣

“እንደነቃህበት ነግረህ ለምን ቆሌውን ገፈህ አታባርረውም? ለምንድነው በየቀኑ አስርሳንቲም የምትገብረው?”

በአሉ እየሳቀ እንዲህ መለሰ፣

“የማውቀውን ሰላይ ካባረርኩማ የማላውቀውን ይተክሉብኛል”

Advertisements
 
Leave a comment

Posted by on October 15, 2012 in AMHARIC, ARTICLE, POLITICS

 

Tags: , ,

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: